പി. ആർ. ഐ ട്രെയിനിംഗ്

              സർവ്വ ശിക്ഷ അഭിയാൻ ഗുണമേന്മയുള്ള വിദ്യാഭ്യാസം എല്ലാവര്ക്കും ലഭ്യമാക്കുക എന്ന ലക്‌ഷ്യം മുൻനിർത്തി ക്രിയാത്മകമായ ധാരാളം പ്രവർത്തനങ്ങൾ നടപ്പിലക്കുനുണ്ട്. തദ്ദേശസ്വയംഭരണ  സ്ഥാപനങ്ങൾ തങ്ങളുടെ പരിധിക്കുള്ളിലെ മുഴുവൻ വിദ്യാര്തികൾക്കും പഠന സാഹചര്യം ഉണ്ടെന്നു ഉറപ്പക്കാനുള്ള ധാരാളം പ്രവർത്തനങ്ങൾ നടപ്പിലാക്കുന്നുണ്ട്. ഇതിന്റെ അടിസ്ഥാനത്തിൽ  എസ് എസ് എ ജനപ്രതിനിധികള്ക്ക് ഒരു ഏകദിന പരിശീലനം സംഘടിപ്പിച്ചു.
              കോലഞ്ചേരി  ബി.ആർ.സി യുടെ പരിധിയിൽ വരുന്ന 7 പഞ്ചായത്തുകളിലായി നടന്ന പരിശീലനത്തിൽ 117 ജനപ്രതിനിധികളും 7 പഞ്ചായത്ത്‌ സെക്രട്ടറിയും പപങ്കെടുത്തു. ഗുണമേന്മയുള്ള വിദ്യാഭ്യാസം ലക്ഷ്യമാക്കാൻ ജനപ്രതിനിധികൾക്ക് ഏറ്റെടുക്കാവുന്ന ഉത്തരവാദിത്തങ്ങൾ ചർച്ച ചെയ്തു. (പി.ഇ.സി, എസ്.എസ്.ജി, ബി.എം.സി, പി.ടി.എ) ജനപ്രതിനിധികൾ വിദ്യാലയത്തിന്റെ അക്കാദമികം, ഭൗതീകം, സാമുഹിക മേഖലകിൽ സജീവമായി ഇടപെട്ട് പ്രവർത്തിക്കണം. എസ്.ഡി.പി രൂപീകരണത്തിൽ പങ്കെടുക്കണം. ഓരോ വാർഡ്‌ മെമ്പറും തങ്ങളുടെ വാർഡിലെ 6 വയസ്സിനും 14 വയസ്സിനും  ഇടയിൽ പ്രായമായ മുഴുവൻ കുട്ടികളേയും  വിദ്യാലയത്തിലെത്തിക്കാൻ ശ്രെദ്ധിക്കേണ്ടതാണ്. അവരെ സംബന്ധിച്ച  മുഴുവൻ  വിവരങ്ങളും  പഞ്ചായത്ത്‌ വിദ്യാഭ്യാസ രേഖയിൽ സൂക്ഷിക്കേണ്ടതാണു.എന്ന് ആർ.പി അഭിപ്രായപ്പെട്ടു. വിദ്യാഭ്യാസരേഖയുടെ കോപ്പികൽ എല്ലാവര്ക്കും വിതരണം ചെയ്തു.
          എല്ലാ മാസവും പി.ഇ.സി യോഗം ചേരുമ്പോഴും കുട്ടികളുടെ പഠനനിലവാരം, ഹാജർ, സാമൂഹ്യ പങ്കാളിത്തം എന്നിവയെക്കുറിച്ചുള്ള ഫലപ്രദമായ ചർച്ചകൾ നടക്കണം. പഞ്ചായത്തുകൾക്ക് നിരവധി വികസന പ്രവർത്തനങ്ങൾ ഏറ്റെടുത്തു നടത്താൻ സദ്ധിക്കുമെന്ന് മെമ്പർമാർ അഭിപ്രായപ്പെട്ടു. പഠന  പോഷണ പ്രവർത്തനങ്ങൾ, പോഷകാഹാരങ്ങൾ, നിർമ്മാണപ്രവർത്തനങ്ങൾ, പഠന സാമഗ്രികളുടെ നിര്മ്മാണം, കലണ്ടർ, അധ്യാപക ബാങ്ക് എന്നീ പ്രവർത്തനങ്ങളിൽ മെമ്പർമാർ മുൻകയ്യെടുത്തു പ്രവർതിക്കെണ്ടാതാണെന്ന് എല്ലാവരും അഭിപ്രായപ്പെട്ടു. ദേശീയ  ഗാനത്തോടെ പരിശീലനം സമാപിച്ചു. 

ചിത്രങ്ങൾ  >>>